Хүний төрсөн он сар өдөр цагаар хүний эрүүл мэнд, сэтгэл санаа, хайр дурлал, жирэмсэн болох ба хүүхэдтэй болох, бизнесээ эхлэх өдөр, бизнесийн хамтрагчаа сонгох, гэрлэх хоорондоо тохирч таарах эсэх хүний амьдралд тохиолдох бүх зүйлийг энэ гүн ухааныг судлаж мэдсэнээр мэдэх боломжтой байдаг.
Миний хувьд би БНСолонгос улсад ажиллаж амьдардаг. Миний хийдэг ажил эрүүл мэндийн салбарт ажилладаг. Багадаа өвөөгөөсөө энэ тухай сонсож байсан бөгөөд багын сониуч зантай бөгөөд хүн яагаад үүссэн, дэлхий яагаад үүссэн дэлхийн эзэн хэн юм бол, бурхан гэж хэн бэ?, бидний мөргөж залбирдаг Будда бурхан, Есүс христ гэх мэт бурхад үнэхээр байдаг эсэх, мод яагаад байдаг, шумуул яагаад хүний цусыг сорж амьдардаг гэх мэтчилэн их сонирхдог байлаа тиймээс ч энэ Билиг Арга & Таван мах бодийн ухааныг сурч, мэдэж, судлахаар шийдсэн юм.
Би Солонгос улсад Ханз болон Солонгос хэл дээр И багшаас сурдаг. Монгол хэл дээр байгаа ном уншдаг.
Манай улсад Билиг Арга & Таван мах бодийг зөвхөн Монголд л байдаг мэтээр тайлбарладаг боловч үнэндээ Дорнод Азийн орнуудад их дэлгэрсэн гүн ухаан бөгөөд Ертөнц, Дэлхий, Байгаль, Хүн төрөлхтөн ба амьтан ургамал хоорондоо уялдаа холбоотой болох, хэрхэн хоорондоо мэдээлэл солилцдог болохыг энэхүү гүн ухааныг судлаж ойлгосноор мэдэх болно.
Манайд алдартай зурхай ч Тэрбишгуай болон, Уламжлалт анагаахын эмч нар, бөө, лам байдаг ба эдгээр хүмүүс нь энэ гүн ухааныг удаан хугацаанд судлаж, ойлгож, тодорхой хэмжээгээр гэгээрсэн хүмүүс юм.
Манай иргэд энэхүү Гүн ухааныг ухаантай хүмүүс л судлаж сурдаг гэж боддог боловч тийм биш юм. Хүн өөрөө Байгалиас төрсөн учираас байгалийг мэддэг тодорхой ойлголттой байх хэрэгтэй хэрвээ байгалийг мэдэхгүй бол аав, ээжийгээ мэдэхгүйтэй адилхан юм.
Энэ дэлхий дээр амьдарч байгаа хүн бүхэн Орчлон ертөнц, Эх дэлхий, байгалийн үүсэл хөгжил, хууль болон мөн чанарыг тодорхой хэмжээгээр мэдэж байж бид бүгд эрүүл байгальд эрүүл сайхан амьдрах боломжтой. Би хувьдаа манай 10жилийн хичээлийн тогтолцоонд болсон болоогүй гадаад хэл заахын оронд хүүхдүүдийн суурь хүмүүжилд билиг арга, таван мах бодийн ухааныг сургах юм бол бусдыг хүндлэх, хайрлах, хамгаалах, эрүүл сайхан амьдрах зэргийг аав ээж нь заахгүй байсан ч өөрсдөө маш сайн ойлгож сурах болно.
БНСолонгос улс 2018оны хичээлийн жилээс эхлэн цэцэрлэг, бага, дунд, ахлах сургуулиудын хичээлийн 1 хоногт 1 цагын хичээлд билиг арга, таван мах бодийн хичээлийг оруулхаар хууль баталсан. Энэхүү хуулийг баталсан шалтгаан нь хүүхдүүд цахим орчноос муу мэдээлэл уншиж, үзээд дуурайх, амиа хорлох, нийлж нэгнийгээ дээрэлхэх, гэмт хэрэг хийх, биенийгээ хүндлэхгүй, хайрлахгүй, өөрийн үнэ цэнийг мэдэхгүй байгаатай холбоотой юм.
Дээр үед аав, ээж нь маш сайн хүмүүжүүлдэг байсан боловч сүүлийн үед аав, ээж нь маш завгүй ажиллаж хүүхдүүдээ хүмүүжүүлж, анхаарал тавиж ярилцах цаг зав дутагдсанаас болж хүүхдийн хүмүүжилд их доголдол гарч байна хэмээн үзэж энэхүү хичээлийг заахаар шийдвэр гаргасан байна. 